Cinco paneis temáticos abertos para os participantes interesados. Os temas son:

ORALIDADE E CONSTRUCIÓN DE IDENTIDADES LOCAIS

Un dos cimentos sobre o que se apoia a identidade de moitos dos concellos en occidente é a oralidade. Polo tanto, proponse esta temática para coñecer cal é a influencia da oralidade na construción das identidades locais, tanto no pasado como no presente.

ORALIDADE, MÚSICA E LITERATURA

A produción de música e literatura baseada na tradición oral é algo que está presente a nivel mundial e de xeito particular nas cidades que colaboran neste proxecto.

 
 
ORALIDADE, SOCIALIZACIÓN E EDUCACIÓN

Hoxe en día a institución escolar converteuse na única institución de recrutamento obrigatorio na sociedade occidental, polo que é preciso coñecer como se leva a cabo a transmisión da oralidade nesta institución dos estados ou a través de outro tipo de institucións non formais.

MULLERES E OUTROS AXENTES DE SOCIALIZACIÓN

As mulleres foron ao longo da historia as principais axentes nos procesos de enculturación e socialización familiar e comunitaria, é dicir, na transmisión da oralidade. É importante coñecer como se levaron a cabo estes procesos e, do mesmo xeito, ampliar a outros axentes de socialización implicados, tanto na actualidade como no pasado.

VALOR CULTURAL DA ORALIDADE

É preciso reflexionar sobre a importancia da oralidade porque na actualidade esta non goza maioritariamente de recoñecemento e ten dificultades para ser pública e visible.